Dende fa bels años, en a comarca bi ha una mena de fiebre de canteras que menazan paisaches naturals e culturals. Pasó a cantera de Ainielle, salbemos atra en o barranco os Mallos de Yesero, bel par más en Biescas, como a de Iguarra, entre abetes y ranas d'o Pirineo, y agora toca unatra en Xabierrelatre.
O BOA d'o 1 de febrero anunzia a esposizión publica ta una estensión de 370'5 has!, entre Latre y Xabierre, ta sacar areniscas durante 30 años. A petizión, en pagas, la fa una empresa que ya teneba una cantera en a zona, con unas condizions de restaurazión meyoambiental que no bi ha traza de trobar, u siga, con unos prezedens que no son guaire buenos. Con ixos bastes, dende Chunta Alto Galligo emos feito as alegazions que corresponden, en as que se charra de l'impauto paisachistico e natural, d'a incompatibilidá con as normas urbanisticas d'o monezipio de Candarenas, y d'o perchudizio ta l'autibidá turistica d'a zona. Ya beyeremos qué pasa, y tos lo charraremos.
Caldrá seguir mirando de protexer o paisache natural e cultural, que ye o prinzipal recurso que tenemos, y a nuestra parti alicuota d'a preserbazión d'o Planeta.
No hay comentarios:
Publicar un comentario