Chunta Aragonesista ha presentato una proposizión no de lei ta empentar a declarazión de o Paisache Protexito de Santa Orosia y Sobrepuerto. Asinas lo fizo saper Bizén Fuster, responsable de Meyo Ambién de CHA en as Cortes de Aragón, en una rueda de prensa zelebrata en Uesca, o 22 de marzo de 2010. Le acompañón os presidéns d'os Ligallos de Redolada de Sobrarbe y Alto Galligo.
O Sobrepuerto ye una montaña que puya dende os 800 m dica os 2000 m de altaria, en a zona d'o flysh eozeno, con mallos en o sur, en os que se cubillan espezies de gran balura como o cluxigüesos u a Petrocoptis montserratii. Alto, as tascas de puerto, y debaxo fabosas, caxicars, pinosas y atras selbas de intrés. En meyo, un paisache cultural y una colla de lugars espaldatos que alzan arquiteuturas irrepetibles.
O Paisache Protexito ye una proposa de a colla O Zoque, refirmata por conzellos, comarca y un borguil de collas culturals y sozials d'o país y d'o conchunto de Aragón. Ta más informazión: http://www.diariodelaltoaragon.es/NoticiasDetalle.aspx?Id=621126
