Día d'a Republica

Baxo dos tricolors (link Ronda de Boltaña)

Cada tiempo tiene as suyas condizions. En iste que bibimos, o capitalismo luita por bulcar os estaus y as democrazias: una nueba monarquía nos menaza. Asinas lo beye Guillermo Sullings:

"Ye común ascuitar charrar en os meyos de prensa sobre os problemas que esisten cuan no se respeta o trestallo de poders, cuan o Poder Executibo imbade u presiona a o Chudizial, u cuan o Chudizial toma dezisions politicas, u cuan os lexisladors influyen en os chuezes, ezetra.

Pasa que en o chenesis d'as primeras democrazias, o trestallo de poders yera un alazet de l'equilbrio democratico, ta guaranziar dezisions reflesionatas y debatitas, chusmesas a mecanismos de cuentrapeso y control. Dibersos poders, organismos de control y cambras lexislatibas con representazión de partitos diferens deberban guaranziar l'equilibrio y ebitar cualsiquier conzentrazión de poder.

Manimenos, a dengún escapa o feito de que güei, os tres poders, executibo, lexislatibo y chudizial, toz responden a un unico poder absoluto: o poder economico.

Con diners se mercan meyos de prensa, lexisladors, chuezes, ministros y presidens. Se compran comisarios, polizías y funzionarios de tota mena. Con diners se mercan sindicalistas y politicos. Y cuan dezimos que se mercan, lo dezimos en un sentito amplo, porque en bels casos se trata de autos de corrompizión ta feitos puntuals, pero por un regle se trata de mafias organizatas do toz son "ombres de negozios" que exerzen a funzión publica en representazión de os intreses economicos.

Profés que iste prozeso por o cual o poder d'os diners ha mercato a ras instituzions demoraticas ta meter-las a o suyo serbizio biene enantando dende fa muitos años, dica que se trasformó a tot o sistema instituzional en una gran empresa con diferens negozios. Bi ha begatas que "cherens" de ista empresa pleitean entre ers por superposizión de intreses u esferenzias en os suyos negozios, pero toz pertenexen a o mesmo cartel (...).

Y por supuesto que en ista "gran empresa" adedicata a o negozio de dar prebendas a o poder economico a cuenta de una parti de o botín, cal aprobar leis, y ta ixo son os "cherens lexisladors", u fa falta instrumentar midas executibas, y ta ixo son os "cherens ministros" u o "direutos presidén"; tamién cal que se apliquen urchenmén "cherens chuezes y comisarios". Y también fa falta que muitas cosas no se sepan, que atras se trasmitan mal y que atras se espardan, y allora aparixen os "cherens feitors de opinión" que en os meyos de opinión nos debuxan o mundo que quieren que beigamos.

Y tot isto ye entreconeutato funzionalmén. No ye que ta cada nuebo negozio que quiera fer o poder economico, calga ir a sondeyar a bel funzionario ta mirar si se puede sobornar. No, a cosa ya ye prou organizata y parata dende fa tiempo, mesmo con "operadors" que meten a cara por atros ta ebitar esdebenideras imbestigazions de bel "cherén enemigo" ocasional. (...).

Belún dizió una begata que "feita a lei, feita a trampa". Pues ixe refrán ya ye biello: primero paran a trapaza, y luego fan a lei a ra mida. Si beluno quiere fer un negozio con una empresa construtora en un munizipio, planifica con os funzionarios qué ye o que se ba a fer y dimpués saldrá a ordenanza y a lizitazión a ra mida d'o costrutor (...) A maquinaria instituzional se bocha a o serbizio d'o poder economico, con tal perfezión como si ese sito feita ta ello. (...)

Por ixo, charrar de trestallo de poders, en iste contesto, ye charrar si a un caso de corporazions drinto de una gran corporazión que belan por o suyo seutor, ta que nadie les furte a suya parti d'o negozio, pero nunca podremos charrar de democrazia"

(Guillermo SULLINGS (2002) Introducción a la democracia real. En El ayer y el hoy: Lecturas de antropología política. Vol. II El Futuro, Compilato por Aurora Marquina Espinosa. UNED).